Ndryshimet klimatike janë një nga sfidat më të mëdha të shekullit tonë. Rritja e temperaturave globale, shkrirja e akullnajave dhe rritja e nivelit të detit kanë pasoja shkatërruese për natyrën dhe jetën e njeriut. Për të përballuar këtë krizë, nevojiten veprime urgjente në të gjitha nivelet.
Çdo individ mund të japë kontributin e tij. Ulja e konsumit të energjisë, zgjedhja e transportit publik, përdorimi i biçikletave apo ecja në këmbë janë disa nga veprimet që reduktojnë emetimet e gazrave serë. Për më tepër, konsumimi i produkteve lokale, mbështetja e energjive të ripërtëritshme dhe mbjellja e pemëve janë hapa të thjeshtë që ndihmojnë në luftën kundër ndryshimeve klimatike.
Ndryshimi fillon nga vetja. Edukimi, ndërgjegjësimi dhe angazhimi janë çelësi për të ndërtuar një të ardhme më të gjelbër dhe më të qëndrueshme.

ECMI Kosovo implementon projektin “Cross-Border Green Deal / Marrëveshja e Gjelbër Ndërkufitare”, aktivitetet kryesore të këtij projekti janë: Prokurimi i paisjeve për kompanitë e shërbimeve komunale dhe inspektimit; Trajnime për punonjësit e kompanive të shërbimeve komunale dhe inspektimit; Prokurimi dhe vendosja e ishujve të gjelbër me tabela informacioni; Seminare mbi praktikat e mira të BE-së në menaxhimin e mbetjeve të ngurta; Prezantimet e praktikave të mira të BE-së në menaxhimin e mbetjeve të ngurta; Publikim mbi Praktikën e Mirë të BE-së në Menaxhimin e Mbetjeve të Ngurta; Hulumtimi mbi strukturën e mbetjeve në disa nga komunat e synuara dhe mundësitë për përmirësimin e sistemit të menaxhimit të mbetjeve etj.
Projekti financohet nga Bashkimi Evropian në kuadër të Programit të Bashkëpunimit Ndërkufitar Mali i Zi – Kosovë* 2014-2020. Si përfitues direkt të këtij projekti janë shteti i Kosovës dhe Malit të Zi, specifikisht komunat Pejë, Istog, Klinë, Deçan, Gjakovë dhe Junik në Kosovë. 

Ky njoftim u përgatit me ndihmën financiare të Bashkimit Evropian. Përmbajtja e artikullit është përgjegjësi e vetme e Qendrës Evropiane për Çështje të Minoriteteve Kosovë (ECMI Kosova) dhe në asnjë mënyrë nuk mund të konsiderohët si pasqyrim i pikëpamjeve të Bashkimit Evropian.
*Ky mbishkrim nuk paragjykon statusin e Kosovës dhe është në përputhje me Rezolutën 1244 Këshilli i Sigurimit i Kombeve të Bashkuara dhe opinioni i Gjykatës Ndërkombëtare të Drejtësisë për Deklaratën e Pavarësisë së Kosovës.